Компирот е намирница која често ја оставаме во подрум подолго отколку што треба, па не е невообичаено да го фрлиме штом забележиме непријатен мирис.
Стручњаците велат дека постои еден специфичен знак кој открива дека компирот веќе не е добар за јадење, но и дека може да биде опасен за здравјето.
Лесно е да се помисли дека само би требало да се отстранат од компирот лошите делови за да биде добар за јадење, но многумина не се свесни за проблемите кои можат да настанат.
Според пишувањето на порталот Healthline, зелената боја на компирот се јавува кога тој ќе почне со производство на хлорофил, што е природен процес. Кога ќе го забележите тој пигмент, тоа значи дека компирот почнал и со производство на соланин, компонента која штити од штети кои ги предизвикуваат животните, инсектите, габите и бактериите. Се работи за токсин кој се наоѓа во компирот, а ако се работи за повисоко ниво, тогаш може да биде опасен за луѓето.
Нивоата на соланин се најголеми во лушпата на компирот, па со лупење секако дека ќе отстраните дел од токсините (околу 30 отсто), но нема да го решите проблемот.
Стручњаците не се сигурни колку точно овие компоненти треба да бидат во компирот за да ви биде лошо, но една студија открила дека 0,6 милиграми по килограм тежина може да води до болест. Особено е важно таквите компири да ги држите подалеку од децата кои имаат доста пониска телесна маса, па можат и посилно да ги почувствуваат последиците од труење со соланин.
Извор: bestlifeonline.com
