Многу српски актери решија да се повлечат од градската врева и својот мир да го побараат на село. Еден од нив е Бранислав Бане Томашевиќ, кој со сопругата Јелена и синовите уживаат во село кај Горни Милановац.
– Во село сум и токму додека зборувам со вас, децата ми довикуваат, велат: „Ручек!“. Овде е една посебна димензија на живот, реален живот! Имам контакт со природата, без врева и хаос. Ги гледам моите кокошки, првпат ги пуштив во природа. Купив 40 пилиња и ги одгледав, вистински, диви, оние што шетаат низ дворот и колваат – изјави неодамна актерот, додавајќи дека од мал го сака селото и работата:
– Јас одгледувам животни, имам и свињи и овци. Имам своја градина, домати, краставици, тиквички… Не ми е тешко се да работам, во детството доаѓав во село кај баба ми и дедо ми, отсекогаш сакав тука да престојувам. Кога сум тука, воопшто нема стрес. Штом човек седне во кола и вози 30 метри, нешто се случува, веднаш некоја нервоза. Овде е поинаку.
Тој е исто така многу загрижен поради загадувањето на природата и смета дека е поразително што имаме толку многу загадување.
– Луѓето треба да се вратат на природата, да ја разбудат еколошката свест и да научат подобро да се грижат за природата. Сè е толку загадено и насекаде има ѓубре, ги ангажираме децата да ги чистиме дивите депонии и да го средиме целиот тој хаос – изјави тој за белградските медиуми.
Актерот се занимава и со садење вишни, за што во неколку наврати зборувал. Тој како се наведува го наследил семејниот имот кој го дели со својот брат, а потоа продолжил да го шири бизнисот.
– Засадив многу стебла вишни на имотот каде што е роден татко ми. Тоа е моја дедовина, како и на мојот брат. Изградивме и куќа. Потоа купив уште неколку блиски хектари земја и направив плантажа од 1.000 стебла вишни. Мојата идеја е да развијам бизнис за производство на овошје и патем ги разгледувам сите можности за преработка и правење производи од тоа овошје. Имам подготвено земјиште за уште 1.200 стебла вишни, а на имотот имам и неколку сорти сливи кои од порано беа засадени – изјави Бане во една прилика за „Блиц“.
Актерот веќе 18 години е во хармоничен брак со нашата позната манекенка Јелена Ивановиќ, со која има три деца – Душан, Богдан и Стефан. Јелена остави свој белег во модата надвор од границите на нашиот регион. Работела за најголемите светски куќи како „Ив Сен Лоран“, „Готје“, „Диор“; прошета на модната писта со Наоми Кембел, Клаудија Шифер, Линда Евангелиста.
Таа ги красеше насловните страници на светските магазини, а до ден денес е единствената Србинка поканета на гламурозната Мет Гала забава, како што стои во најавата на емисијата „Во кругот на семејството“, во која гостувала со нејзиниот сопруг.
