Овие здодевни инсекти претставуваат сѐ поголема закана на растенијата кои се одгледуваат, особено овошјето и зеленчукот. Штетите најмногу се изразени во текот на сушниот период, како што е овој.
Ни се сите бубачки опасни, ги има и корисни. Меѓутоа, штета нанесува зелената (lat. Nezara viridula), кафеавата мраморна (lat. Halyomorpha halys) и донекаде кафеава (lat. Coreus marginatus). Овие инсекти до неодмана не претставуваа голем проблем. Ги има со потекло од останатите континенти па им требаше одреден период на прилагодување на нашите агроеколошки услови.
Се појавуваат од јуни па сѐ до крајот на вегетацијата. Ја бодат покожичката на плодот после што доаѓа до создавање на ситни округли светли дамки кои можат да предзивикаат труење на плодот. Особено тоа е изразено на доматот. И овошјето – јаболчесто, коскесто, бобинки, исто така губат на квалитет. На листовите на зеленчукот доаѓа до губење на хлорофилот, појава на дупчиња или сиви мрежички на површината.
Минатата година еден голем производител на зеленчук никако не можел да ја уништи зелената бубачка. Каков инсектицид и да користел, немало успех. И тоа е најголем проблем со тие штетници, односно, тоа што развиле голема отпорност на инсектицидите. Но, успеал да ги реши со примена на средства кои не се отровни.
Решението е во зачините. Употребил мелено чили и алкохолен оцет.
Запомнете, стениците лачат непријатен мирис кој им служи за одбрана од непријателите. Единствен начин да ги избркате е да ги третирате растенијата со средства чиј мирис не го поднесуваат. Освен наведените зачини, корисна е и ментата, односно нането.
Чај од мента, но не од вреќичка
Направете две до три литри чај од мента, но не од филтер вреќички. Измешајте ја оваа количина чај со седум до осум литри вода и третирајте го со таа смеса заленчукот. За овошјето ќе ви треба поголема доза. Еден од зачините чии мириси бубачките не ги сакаат е циметот. Доволно е 100 грама од наведениот зачин да ставите во канта од десет литри наполнета со вода. Оставете еден ден, одвреме навреме измешајте и од таа количина исто така два до три литра ставете во прскалка од десет литри.
Внимавајте, циметот е густ и морате добро да ја процедите течноста за да не се затнат дизните на прскалката. Прскањето извршете го три до четири дена после третманот со ментата. Можете прво и циметот па после ментата, сеедно е.
Постојат уште многу комбинации. Можете да комбинирате чили и оцет со девет проценти алкохол заедно со мелен пипер, цимет, лута пиперка, лук и црвен кромид.
Кога користите повеќе средства количините не се премногу важни. Mожете да употребите 50 или 100 грама зачини во канта од 10 или 15 литри вода, оставете ден, два и прскајте. Најважно е нивниот мирис да се почувствува во воздухот после третманот. Пожелно е тоа да се изведува наутро или навечер за пчелите да можат да вршат опрашување. Нема докази за тоа дека тие не го опрашуваат (особено зеленчукот) ако се користат зачини за заштита од бубачки.
Можете да додадете пиво или масло
Превентивата со зачини е полесна кај зеленчуковите видови. За овошје треба повеќе и средства и процедување поради што малку кој производител сака да ги применува овие природни препарати. Докажано делуваат на грините и крвавата вошка (лук), гасеница (бибер, пелин и чили), крушкина болва (црвен кромид, чили, оцет), цветојад и осички (кромид, чили, лута мелена пиперка).
Дејството е особено добро ако нема дожд неколку денови после третирањето. Може да се додаде и малку пиво или масло за јадење за зачините подолго да се задржат на површината.
Извор: agroklub.com
