Модриот патлиџан (Solanum melongena L.) е термофилно растение. Во наши услови се одгледува како едногодишно растение, додека во јужните предели е повеќегодишно растение кое секоја година се подмладува.
Прихранување на модриот патлиџан
Модриот патлиџан е растение со долга вегетација. Поради недостаток на фосфор и калиум, може да дојде до масовно опаѓање на цветовите.
Затоа, во текот на вегетацијата, во интервали од 20 до 25 дена, се надополнува со 20-30 гр NPK ѓубрива по м², со 1-2 фолијарни прихранувања со сложени минерални ѓубрива (фертикаре, вуксал 0,2%). Фолијарното прихранување е особено важно во фазата на појава на пупките и во фазата на цветање.
Наводнување на модриот патлиџан
Секоја недела потребно е да се полева со 20 до 30 л на м² површина. Во зависност од времето се наводнува еднаш, двапати или трипати неделно, а количината на вода зависи од температурата. Најдобро е да се наводнува обилно за водата да дојде до подлабоките слоеви на почвата, што овозможува подобар развој на коренот и добро снабдување со вода на растението.
Опрашување
Губењето на цветовите може да биде предизвикано и од лошото опрашување. Дури и кога растението добро цвета поради високата влажност на воздухот, поленот останува залепен, па не доаѓа до опрашување и оплодување.
Следејќи го примерот на рачно опрашување на доматите со сликарска четка, оваа метода можеме да ја користиме и со модриот патлиџан со собирање полен со четка и пренесување на цветното стебленце.
