Едно од најчестите прашања е зошто купените семиња се обоени во одредена боја. Најчесто се работи за црвена, зелена, сина, но и други бои. Станува збор за семиња кои биле обработени со биостимулатори и/или хранливи материи или пестициди, а кај мешунките, најчесто сојата, во обвивката има бактерии кои врзуваат азот.
Во обид да го заштитат семето што го сеат, луѓето порано прибегнувале кон различни средства. На почетокот се работело за билни сокови, раствори и чаеви. Особено популарен бил третманот со сок од чемпрес, препарати од лук или црвен кромид и разни лековити растенија за да го заштитат од болести, инсекти, глодари и други штетни организми.
Денес постојат различни средства кои се фокусирани на максимална заштита, а во исто време треба да бидат безбедни за луѓето и животната средина.
Интензивната обоеност на зрното им помага на купувачите да знаат дека семето е третирано и дека не е за човечка исхрана или за исхрана на животни.
Средството со кое се премачкани ги штити растенијата во првите, најчувствителни фази на развој – ртење, никнување и почетен раст.
Средствата за третман се приспособуваат на растителниот вид, времето на сеидба, зачестеноста на одредена болест или штетник во одредена област и други фактори. При рано сеење, семето е изложено на дејство на студ и прекумерна влага, поради што бавно се одвива ртењето и никнувањето, а го напаѓаат патогени и штетници. За да се спречи влошување на новопосеаните семиња и младите култури, се користат третирани семиња. Ова се однесува на многу видови.
Исто така, на овој начин се спречува преносот на болести од семето на новото растение.
На што треба да се обрне внимание?
1.Луѓето треба да се заштитат кога работат со обоено семе.
2.Треба да се складира правилно и да се чува одвоено.
3.Постои опасност животните да го изедат и да се отрујат.
4.Семето што нема да се употреби да не се фрла вп природата.
5.Не е погодно за компостирање.
6.Чувајте го подалеку од дофат на деца.
