Што содржат и како делуваат биостимулаторите?

Биостимулаторите ги зголемуваат приносите, ги намалуваат штетните последици од сушата, измрзнувањето, механчиките и хемиските оштетувања и вирусните инфекции. Со нивната примена се намалува и употребата на ѓубрива.

При пресадување на отворено поле или во незагреани пластеници на садниците доаѓа до моментален абиотски стрес и привремен застој на растот на растението. За тоа подобро да се прилагоди на новата средина и да го продолжи непречено растот и развојот, може да се третира со биостимулатор.

Кој биостимулатор и во која фаза да се примени?

Станува збор за физиолошки активни состојки кои на растенијата им помагаат во растот и развојот. Со синергиско делување, нивните компоненти меѓусебно влијаат на составот почва-растение-корен. А од посебно значење е кој и во која фаза да се примени.

Биостимулаторот што содржи хуминска киселина, аминокиселини, протеини, пептиди, полисахариди и витамински комплекс, активно помага кај развојот на коренот на расадот и ја зголемува отпорноста на коренот во случај на третирана почва со пестициди или на засолена почва. Фолијарно на база на аминокиселини (пролин и триптофан) ја зголемуваат фотосинтетската активност на растението, помагаат побрзо надминување на забавениот раст на расадот кој е предизвикан од неповолните услови на околината.

Група биостимулатори кои содржат глукозиди (енергетски фактори на раст) и аминокиселини (арганин и асапарагин) се активни состојки кои го стимулираат развојот на коренот (ризогенеза). Тие имаат посебно значење дека може да се применат од фазата на берба до пресадувањето или подоцна. Бидејќи опасноста од пропаѓање на растението е најголема при расадувањето, тие стимулираат создавање на нови изданоци на коренот и кореновите влакненца и помагаат за побрзо опоравување на растението од стресот предизвикан со пресадувањето.

Што содржат и како делуваат биостимулаторите?

Биостимулаторите содржат амино киселини, а докажано е дека примената на овие природни споеви во хидропонското одгледување на домати позитивно влијае на растот на растенијата.
Покрај аминокиселините, некои биостимулатори содржат и хуминска киселина која позитивно влијае на ртењето, растот на коренот и надземната маса како и на големината на плодовите на доматот и пиперката.

Биостимулансите се „непрехенбени“ производи кои можат да ја намалат употребата на ѓубрива и да го зголемат приносот и отпорноста на температурни стресови и позитивно влијаат на растот и физиологијата на растенијата. Повеќето од нив содржат растителни хормони, аминокиселини, хуминска киселина.

Хуминските киселини влијаат на зголемување на растот на коренот и внесот на вода, подобрување на растот на растенијата поради зголемен вкус на хранливи состојки како што се N, Ca, P, K, Mg, Fe, Zn и Cu и врзување на токсичните елементи како алуминиум и кадмиум. Примената на хуминската киселина исто така ја подобрува фотосинтезата, густината на хлорофилот и дишењето на коренот на растението што резултира со поголем раст на растението.

Аминокиселините помагаат во зголемување на концентрацијата на хлорофил во растението што доведува до поголем степен на фотосинтеза, а делуваат и како прекурсори или активатори на фитохормони и состојки за раст во растенијата.

Ја намалувата потребата на количина ѓубриво

Најновите трендови во производство на зеленчук водат кон намалување на употребата на ѓубрива, особено кога се во прашање азотните. Намалување на нивното користење можно е во случај на ефективно користење на состојките од страна на растението со оглед на тоа дека е познато оти растенијата не го искористуваат во целост она што се наоѓа во медиумот на растот.

Со употребата на биостимулатори може да се намали нивната примена како на отворено поле така и на хидропонско одгледување, каде што посебен акцент е на заштита на околината, па такво одгледување со нивна примена станува стратешко производство на зеленчук во пластеници во смисла на зачувување на околината. Исто така е докажано дека со нивната примена се зголемува вкупната содржина на азот во листот и стапката на фотосинтеза како и концентрацијата на растителни пигменти.

Примената на овие производи влијае на зголемување на ртењето на старото семе, како што е докажано кај пченката и сојата, целерот, магдоносот, салатата и празот. Кај мешунките тоа исто така има позитивно влијание на поголем принос на зрната и протеините, а последица е поголема хранлива вредност на културата.

Истражувањата опфатиле доста градинарски култури. Покажуваат порано плодоносење и поголеми приноси во првите берби на плодови, а со примена на биостимулаторите се зголемува приносот на плодот во зависност од ѓубрењето со азот и калиум без влијание на елементарниот систем на плодот. Со нивна примена не само што може да се зголеми приносот и да се намали стресот во случај на неповолни температури, туку се намалуваат и штетните последици кај сушата, измрзнувањето, механичките и хемиските оштетувања како и кај вирусните инфекции на растението.

Извор: agroklub.com