Цените за годишен закуп на еден хектар земјоделско земјиште значително се разликуваат меѓу земјите и регионите на Европската Унија.
Закуп на еден хектар обработливо земјиште и/или пасишта во 2021 година се движел од најниски 62 евра во Словачка до просечни 836 евра во Холандија, објави Заводот за статистика на ЕУ, Евростат.
Кога станува збор за регионите, најскап е холандскиот Флеволанд (1721 евра/ха), потоа Канарските острови во Шпанија (1119 евра/ха) и Атика во Грција (927 евра/ха).
Најниските цени се во шведските региони Мелерста Норланд и Овре Норланд (25 евра/ха) и во Виходне Словенско во Словачка (42 евра/ха), а се однесуваат на пасишта, што е главната намена на земјоделското земјиште во тие области.
Хрватска е пoследна по просечна цена, со само 74 евра по хектар.
