Успешно заврши жетвата за младиот земјоделец Антонио Ангеловиќ од Лозово. Земјоделското производство за него е традиција која тој ја продолжува со сета сериозност и одговорост која ја носи оваа професија.
–Имав насеано 400 хектари со житарица од кои основно семе пченица 50 хектари и јачмен основно 105 хектари. Се одлучив лани да посеам и семенска пченица за да имам квалитетно производство, а и за другите колеги земјоделци да имаат добро семе и повисок принос. Оставив и 50 хектари за сончоглед за проектот договорно производство со фабриката „Благој Ѓорев“ од Велес – вели Ангеловиќ.
На површините што ни се посеани со семенски материјал основно семе, vвели дека имаат екстра приноси.
Јачмен Барун 6 200 килограми по хектар.
Јачмен Хит 5 500 килограми по хектар.
Јачмен Максим 5900 килограми по хектар.
Пченица Радика 5 700 килограми по хектар.
Пченица Вулкан 4 500 килограми по хектар.
Пченица Мирјана 5 500 килограми по хектар.
Сега почнуваме со доработка на семенскиот материјал, ќе го заштитиме семето со Kinto duo, препарат со две активни материи од BАSF и со Devident на Syngenta. Така што на колегите земјоделци им гарантираме за квалитетот на семенскиот материјал – вели Анѓеловиќ.
