Иако народната медицина па дури и науката и препишува големи лековити својства, хељдата меѓу земјоделците во Рогатица (Република Српска) не е многу популарна. Нејзиното значење во исхраната го препозна Миломир Ечимовиќ на чиј имот е засеано половина од вкупното производство на оваа култура во општината.
Земјоделците во Рогатица, ова помалку заборавено растение кое денес во Република Српска ретко се одгледува, почнаа да го сеат заедно со останатите житни култури, а оваа година хељда се насеа на површина од само еден хектар.
Половината од тоа го насеа Ечимовиќ, во родното село Гривци, кој инаку по професија е дипломиран инженер по шумарство, но исто така е и воен инвалид прва категорија.
–„ Хељдата е традиционално присутна во моето семејство. Ја сееле во помали количини моите родители, а јас знаејќи за нејзините лековити својства, ја сеам веќе пет-шест години“ – вели Ечимовиќ.
Како што истакнува, ова растение не бара многу труд во одгледувањето бидејќи природно е отпорно на сите видови растителни штетници.
Ечимовиќ нагласува дека оваа година има рекорд од квалитетни зрна. Додава дека подготовката за да може истата да се користи во неговото домаќинство е во полн ек но и продажбата е добра.
Бидејќи жетвата се прави заедно со останатите житни култури кои на ситото на комбајнот оставаат доста плевел и род, потребна е доработка на хељдата пред да стиген до млинот.
– „ Интересно е ова да се работи. Првите количини ќе отидат во пекарите во Рогатица со кои имам договор. Тие го користат како додаток на лебното тесто. Дел од тоа ќе оставам за сопствени потреби и за подарок на пријателите. Евентуалниот вишок ќе го понудам на оние кои сакаат да го поправат квалитетот на брашното од кое прават домашен леб. Цената не е нешто висока, но јас сум задоволен“, вели Ечимовиќ.
Здравје
Хељдата содржи бројни минерали и витамини и се вбројува меѓу намирниците кои одлично го греат телото па е пожелна во студените денови. Не содржи глутен па одговара и за исхрана на лица кои боледуваат од целијакија.
Извор: Аgrosavjet.com
