Германците најмногу сакаат јаболка и ги јадат скоро по 21,3 килограми годишно по глава на жител. На второ место се бaнаните кои ги конзумираат речиси дупло помалку, односно 12,4 килограми. Трпезното грозје е на трето место, со 5,3 килограми по глава на жител годишно.
Свежото, а посебно сезонското овошје, заедно со зеленчукот претставуваат најздравиот избор на храна во денешницата, во која преовладува процесуираната храна и храната која доаѓа од други краеви на светот.
Затоа интересна е информацијата дека според податоците на германската Сојузна канцеларија за храна и земјоделство, германците годишно, по глава на жител јадат дури 69,5 килограми овошје. Тоа е речиси 200 грама овошје дневно, односно две јаболка со просечна големина, или една мала чинија со малини што воопшто не е занемарлива количина.
Статистиката на спомнатата канцеларија покажува дека германците најмногу ги сакаат јаболката и ги јадат речиси по 21,3 киограми годишно по глава на жител. На второ место се бананите кои ги конзумираат скоро дупло помалку од јаболката односно 12,4 килограми. Трпезното грозје е на трето место со 5,3 килограмипо глава на жител годишно, наведува Freshplaza.
Остонатото овошје е значително помалку застапено на нивните трпези и тоа со следните количини: праски 3,9 килограми , јагоди 3,5 килограми, круши 2,6 килограми, цреши 2,2 килограми а останатото овошје е застапено со помалку од 2 килограми по глава на жител годишно.
Кога станува збор за праските тие се одгледуваат во Германија но сепак повеќе се увезуваат како свежо или конзервирано овошје. Од друга страна пак, минатата година се произвеле 140 000 тони јагоди, а увезени се 103 000 тони.
Ова значи дека германците би требало да ни бидат пример, бидејќи овие податоци покажуваат дека без разлика на тоа што светот претставува глобално село и што е потребно многу малку време за да егзотичното овошје стигне до нашите супермаркети, домашното сезонско овошје и понатаму е најпопуарно, а може да се купи и од локалните производители на овошје.
Извор :Агроклуб.рс
