Денеска министерот на #МЗШВ, Трајан Димковски, заедно со градоначалникот на општина Кочани, Николчо Илијев и земјоделците од кочанско, разговараа на повеќе теми важни за овој регион, како што се состојбата со каналите за наводнување и одводнување, пристапните патишта до нивите, искористувањето на мерките од ИПАРД 2 програмата, справувањето со палењето на стрништата и друго.
Како ресорно министерство заедно со општина Кочани веќе ги преземавме сите потребни активности во делот на каналите за наводнување и одводнување, со цел да бидат подготвени за годинешната сезона за сеидба на ориз. Очекуваме за една недела да се објави јавна набавка со која за подржуниците на АД Водостопанство, меѓу кои е и подружницата во Кочани, ќе се направи една голема набавка, со којашто ќе ги обезбедиме потребите на подружниците за резревни делови, градежни материјали и се друго што им е потребно, со цел целокупниот систем за наводнување да биде ставен во функција, за новата сезона за сеидба на ориз.
