Стратос Ставроу: Ако сакате да заработите од насадот, садете првокласни садници со сорти кои се барани на пазарите

Кога се подига нов овошен насад потребно е правилно да се извршат сите агротехни мерки, да се направи вистински избор на садници и да се знае што со родот од насадот, каде ќе се пласира.

Само кога ќе ги имате сите овие услови во предвид, можете сериозно да започнете еден ваков проект во кој ќе ви помогне и државата преку мерките од ИПАРД со што ќе ви се врати 60% од инвестицијата.

Преку ИПАРД можете да вратите 60% од инвестицијата за нов овошен насад

Од каде да набавите квалитетни садници?

Тргнувајќи од идејата Агротим да биде сервис на земјоделците за сите прашања од областа на земјоделството, особено за почетниците во ова производство истражувавме каде има најдобри, квалитетни овошни садници кои ќе гарантираат еден профитабилен агробизнис.

Патот не однесе во центарот на грчкото овоштарство – ВЕРИА во фирмата „БалканАгро“, расадник со 50 годишна семејна традиција.

Сопственикот Стратос Ставроу накратко не запозна со компанијата и нивната работа:

-Произведуваме по 200 000 садници праска, кајсија и 50 000 бадем. Со GFподлога со потекло од Италија, прочистени од болести. Наши клиенти се големи и мали производители и продаваме и на пазарите во Бугарија, Мароко, Јордан. Произведуваме и по 100 000 садници круша, јаболко и по 50 000 сливи. Секогаш работиме со нови сорти а патентите ги купуваме од разни центри низ Европа и Америка – ни изјави сопственикот Стратос Ставроу.

Карактеристично во овој расадник е следењето на новите модерни технологии на производство и сорти кои се бараат на странските пазари. Исто така испитувањата се прават и за влијанието на климатските промени како и однесувањето на сортите кон болести и штетнци.

-Овде имаме 40 сорти на кајсии кои ги истражуваме согласно поднебјето, однесувањето кон болести и штетници, прилагодувањето на климатските промени и сите други аспекти кои влијаат врз приносот и квалитетот на родот – вели Стратос

Матичњаците од каде се обезбедуваат калемите се во посебни места, подалеку од влијанието на средината, во чиста околина за да се добијат здрави и прочистени калеми.

Расадниците навистина изгледаат фасцинантно, по големина но и по квалитет и униформираност на садниците. Вакви површини има на неколку места низ Вериа, кои ги менуваат на секои 4 години и постојано се бараат нови површини на кои претходно немало вакво производство.

Расадништвото е една од трудоинтензивните гранки во земјоделското производство бидејќи речиси се, се врши рачно. Интересен факт е високите дневници од 350 евра што ги добиваат сеонските работници кои се вешти во калемењето. Овој процес трае 70 – 90 дена и тоа е всушност најтешката и најважната операција.

Во разговор со сопствениците дознавме дека имаат планови да го прошират производството и кај нас, со расадник за сорти кои се нови, прилагодени на нашето поднебје и клима и немаат проблем со пласаманот на производите.

Секако дека во тоа ја имаат целосната поддршка на Агротим преку едукација и информирање на земјоделските производители. Нашата заедничка цел е земјоделците да немаат проблем со пласмнот на земјоделските производи, затоа е важно да се подигаат насади со нови сорти или да се заменуват постоечките кои очигледно дека секоја година се проблем на земјоделците, но и на држвата која издвојува субвенции за нивното производство.

Исто така ги информиравме за поддршката на Владата на Република Северна Македонија која овозможува одлични услови за странските инвеститори, особено во производства кои кај нас во најголем процент се од увоз, како што е случај со садниот материјал.