Солено, термално и лековито езеро, со необична розева боја која може да се сретне само кај ретките егзотични езера распространети од Австралија, Боливија па се до Мексико, природата му подарила и на село Пачир, во оптшина Бачка Топола. Тамошните жители сами направиле термална и лековита бања во која доаѓаат гости од цела Бачка и од прекуграничните унгарски општини.
Тие ги искористиле потенцијалите на езерото кое има површина од 2.000 метри квадратни, посебно неговата егзотична боја која ја имаат уште и некои други езера во Индија, Русија, Шпанија, Сенегал или Танзанија и решиле уште пред шест години да направат бања, за која многумина не слушнале.
Како што изјавува за за Танјуг, Ото Наѓ, претставник од месната заедница Пачир која има 2.300 жители, комплексот пред две години добил и затворен дел, со два базени во кои температурата на водата е 32 и 34 степени, што овозможува да се користи во текот на целата година.
-„Идејата да направиме бања се роди скоро пред 15 години и во 2008 година конкуриравме за средства од Фондот за капитални вложувања и добиените средства Месната заедница ги искористи за копање бунари кое заврши две години подоцна“, вели Наѓ и додава дека после тоа со сопствени средства почнале подготовка и изградба на теренот.
Капацитетот на бањата е околу 1.000 гости. Наѓ потсетува дека корона вирусот вовел нови правила, кои целосно се почитуваат, поради што и капацитетот е речиси преполовен.
Тој обајснува дека водата во бањите, преку летото, кога сонцето силно свети има розова боја. Вели дека изразито розева е околу пладне, црвенкаста во попладневните часови, додека на зајдисонце и изгрејсонце има помал интензитет.
Ваквата бојата во езерото се јавува поради присуството на јод, бром и литиумот чија концентрација е висока. Наѓ додава дека водата во езерото доаѓа од термален бунар на длабочина од 1.400 метри.
– „Бунарот од езерото е оддалечен скоро 1 километар. Температурата на водата на изворот е 72 степени, а кога ќе стигне во езерото има 60 степени бидејќи природно се лади дури и до 30 степени“, вели тој и додава дека водата е погодна за лечење на кожни заболувања, особено псоријаза, дегенеративни ревматски заболувања и состојби после повреди.
Извор: РТВ.рс
