Компанијата „Ринасто“ од село Дедино во Општина Конче, откупува шумски плодови, земјоделски и лековите билки и печурки. Извозно ориентирани, а главно производите ги пласираат во ЕУ, Швајцарија и Сан Марино.
-Нашите откупни центри се насекаде во Македонија и мобилни со комерцијални возила со фриго капацитет ни е задоволителен за нашите клиенти и коминтенти. Располагаме и со сушара за сушење овошје, зеленчук и печурки. Комори на минус и на плус температура, машини за сечење на печурки и плодови. Објект од 400 метри квадратни и посебен објект од 150 метри квадрати – вели за Агротим, Ристе Ристев, сопственик на „Ринасто“.
„Ринасто“ е компанија која 70% извозно ориентирана, а 30 % продаваат на домашен пазар и на нивни соработници кои им додаваат повисок степен на финализација на производите.
-Вршиме откуп од берачи а цената ја одредува пазарот, берзата. Се зависи од конкурентноста на пазарот. Во нашата дејност нема гарантирана цена на откуп а исто така и на продажба. Нашата земја се смета за еколошки чиста и шумските плодови се многу барани на пазарите во ЕУ, во Швајцарија и Сан Марино, каде ние главно ги пласираме производите – вели Ристов и додава дека во иднина планираат да се прошират и во малопродажба со пакување и дистрибуција на нивните производи како замрзнати, суви и свежи.
-Државата во овој бизнис не ни помага воопшто. Најголем проблем е незаинтересираноста на инспекциските служби за да ги контролираат дивите откупувачи кои со една вага и еден автомобил караван ни се нелегална конкуренција. Нема кој да ги казни а освен ние што трпиме штети економски, не ретко се случува да дојде и до труње на консументите затоа што не ги познаваат доволно печурките и билките, апелира Ристов.
Телефони за контакт со „РИНАСТО“ – 078397345 077761666
Напишете коментар