Градоначалникот на Градско, Роберт Бешовски, заедно со Раководителот на подрачната единица на МЗШВ Велес Зоран Наковски го посетија семејството Спасовски од село Виничани корисници на ИПАРД 2 Програмата од мерката Инвестиции во материјални средства на земјоделските стопанства за набавка на трактор Ландини, Мулчер Риниери и Електрична ножица за режење Риниери во вредност од 1.505.320 ден.
-Разговаравме за напорите што ги прави МЗШВ во делот на користењето на средствата од европските фондови како и за подобрување на условите на земјоделците особено младите да аплицираат за грант од 20.000 евра, мотивацијата за жените земјоделки да започнат свои агробизниси и добијат финансиска помош од 3.000 евра и другите мерки – вели Башовски.
Марина Спасовска и нејзиниот сопруг Боне Спасовски заедно со своите деца обработуваат 3 хектари лозје, 7 хектари овоштарство од кои претежно кајсија, сливи и праски, 1,5 хектар житарица и 10 пластеници со раноградинарска култура – пиперка.
