На глобалните пазари забележан е раст на цените на повеќето житни култури. Најскапа беше пченката, чија цена најмногу порасна на крајот на минатата недела на Чикашката берза (CBoT) и тоа за 2,1 отсто и изнесуваше 190,64 американски долари по тон (183,97 €/t), пишува Farmer.
Ова зголемување на CBoT, кое достигна највисока цена од третата декада на месец октомври 2023 година, е резултат на последниот извештај на американското Министерство за земјоделство (USDA), кој ги намали проценките на жетвата и залихите на пченка во Соединетите држави.
Сите погледи се вперени во Аргентина, каде што посакуваните дождови во текот на изминатиот викенд секако влијаеле на жетвата. Инаку, таму и во следните две недели се очекуваат претерано високи температури.
Меѓународниот совет за житарки (IGC) ја намали прогнозата за глобално производство на пченка за шест милиони тони на 1.219 милиони тони.
На париската берза (МАТИФ) поскапе исто така и пченката, но за нешто помал процент. Тој е поголем за 0,7 отсто и изнесува 214,75 евра за тон.
Раст на цената на пченицата
Што се однесува до пченицата, оваа житарка поскапе за 0,2 отсто на берзата во Чикаго. а нејзината цена е 197,95 УСД (191,02 евра) по тон. Истовремено, на годишно ниво котациите паднаа за 8,0 отсто, а во текот на неделата цената беше повисока за 1,5 отсто.
На париската берза пченицата поскапе за 0,3 отсто и чинеше 226,75 евра за тон, а цените се зголемени за 4,7 посто на годишно ниво.
Минатата недела цената на маслодајната репка на MATIF падна за 2,4 отсто, но ова индустриско растение веќе помалку закрепнува на пазарот, така да во меѓувреме поскапе за 0,9 отсто и цената е 529,75 евра за тон. Цената на сојата на американскиот пазар се зголеми за 1,5 отсто и чини 379,92 американски долари (366,62 евра) по тон.
Извор: agroklub
