Забраната за увоз на млечни производи, месо, сирење, риба, овошје и зеленчук од Европската унија во Русија за првпат беше воведена во август 2014 година како одговор на санкциите што им ги наметна Западот по конфликтот во Украина.
Сега, рускиот претседател Владимир Путин потпиша соодветна уредба и ја продолжи забраната до 31 декември 2021 година.
Според agrarheute, земјата го користи ембаргото за да го обнови сопственото производство, на пример во млечната индустрија, со цел да се намали зависноста од увоз што е можно повеќе.
Потрошувачите се жалат на цената и квалитетот
Логично, забраната за увоз влијае на многу земји кои воведоа санкции против Русија, вклучувајќи ги и САД, Австралија, Канада и Украина.
Многу стока, поради ембаргото, како што е сирењето од Франција и Италија, продолжуваат да влегуваат на пазарот во земјата по заобикален пат и со криумчарење, а тамошните власти уништија тони ваква храна.
Во исто време, доаѓаат критики од потрошувачите кои предупредуваат дека елиминирањето на странската конкуренција ги зголеми цените на руската храна. Покрај тоа, клиентите понекогаш се жалат на послаб квалитет во споредба со храната од запад.
Политичарите во Москва, оваа забрана ја сметаат за голем успех, сметајќи дека тоа ќе ја подобри самодостапноста и ќе ја зајакне позицијата на земјата како извозник на земјоделски производи.
Да потсетиме, жетвата на пченицата во оваа земја се очекува да се зголеми за најмалку три милиони тони. Оваа година може да се соберат вкупно 127,5 милиони тони, што би било една од најголемите жетви во земјата и втора по големина досега.
Производителите на храна од ЕУ влегоа на други пазари како што се САД и Кина, а Путин неколку пати рече дека ќе ги укине контрасанкциите штом ЕУ стави крај на санкциите против Русија. Сепак, крајот сè уште не е на повидок.
Извор: Агроклуб
