„Современата земјоделска задруга е модерен економски одговор на расцепканото производство, високите трошоци и ограничената преговарачка моќ на поединечниот производител. Задругата ја зголемува економската сила на земјоделецот и сточарот“, порачав денес на Шар Планина, каде заедно со Земјоделската задруга за традиционално сточарство „Шарри“ и Македонската асоцијација на земјоделски задруги го одбележавме Меѓународниот ден на задругите, информира министерот за земјоделство Борче Серафимовски.
Тој потенцира дека Министерството за земјоделство, шумарство и водостопанство го препознава потенцијалот на задругите. Преку проектот за формирање и развој на производни групи и производни организации, поддржан од Европската Унија, се спроведуваат пилот-модели за обука, модернизација и подобро пазарно поврзување на производителите.
-Анализите покажуваат дека инвестициите во обуки, опрема и организациски развој на задругите можат да се вратат во период од три до пет години. Кај овчарството, подобрата селекција, поквалитетната исхрана и машинското молзење создаваат потенцијал за зголемување на производството на млеко за околу 30%, додека брендирањето и заштитата со географска ознака можат, исто така, за 30% да ја зголемат пазарната вредност на јагнешкото месо.
Суштината на задругарството ја градат довербата, солидарноста и одговорноста меѓу производителите. Овие вредности го претвораат поединечниот труд во заедничка сила, го одржуваат сточарството и создаваат услови руралните средини да продолжат да живеат и да произведуваат храна, информира Серафимовски.
Фејбсук статус на Борче Серафимовски
