Invivo Air House од Нов Зеланд е во сопственост на винарската визба Invivo, а за почеток ќе превезува луѓе од Окленд до Квинстаун, со промотивна програма и посети на винарите.
Новозеландската винарија Invivo, меѓу чии деловни партнери е и познатата актерка Сара Џесика Паркер, ја отвори првата авиокомпанија во светот во сопственост на компанија за производство на вино. На почетокот на оваа година, Invivo Air ќе ги прими првите патници, кои ќе летаат од Оукленд до Квинстаун.
Авиокомпанијата засега поседува само еден луксузен авион со 34 седишта, произведен од „Сааб“.
Основачите на винаријата „Invivo“, Роб Камерон и Тим Лајтбурн, изјавија дека премиерниот лет на новата авиокомпанија е сигнал за нов почеток на бизнисот со вино и туризам после 119 дена целосно затворање на градот Оукленд како дел од острите епидемиолошки мерки.
Приоритет при купувањето билети за овие летови ќе имаат вработените во туризмот и угостителството, а особено оние кои во најголема мера се најпогодени од последиците од затворањето. Исто така, билетите ќе се продаваат по промотивни цени и „преку ред“ на обичните граѓани кои биле одвоени од нивните семејства во 2021 година.
-Ова беше тежок период, особено за баровите и рестораните на двата наши острови, кои во голема мера зависат од домашниот туризам. Летовите до Јужниот Остров се наш начин да ѝ покажеме на целата земја дека сме повторно отворени за туризам и да ги поддржиме најпогодените од оваа ситуација. Не исклучуваме воведување на нови летови, како и излез на меѓународна сцена. Invivo Air е бизнис класа во секоја чаша – изјави Тим Лајтбурн.
Патниците на летовите на Invivo Air ќе уживаат во целодневна програма која се состои од пијалак за добредојде на летот кој трае околу два часа, престој во хотелот „Хилтон Квинстаун“ и посети на локални винарии и лозја.
