Испораката на говедско од Аргентина во Европската унија падна скоро на нула, а продажбата во Кина е многу пониска во однос на минатата година. Проблем претставува и долгото задржување на стоката на граница, пад на побарувачката, а многу се погодени и кланиците.
Затворени граници, возачи на камиони во неизвесност, стоката со часови без храна и вода стисната во мал простор на пат, не се единствените проблеми предизвикани од пандемијата на корона вирусот КОВИД-19. Пошироко гледајќи ја сликата, оваа ситуација има далеку посилно влијание на глобалното сточарско производство. Стоката не е килограм шеќер или конзерва грав, па во магацин да може да почека некој месец.
Аргентина, се чини, по тоа прашање ќе собере најголеми штети. Испораките на говедско во тие земји на Европската унија паднаа скоро на нула. а продажбата во Кина е пониска во однос на минатата година, наведува Ројтерс.
Затворање на рестораните и забавен превоз
На побарувачката најмногу влијае и затворањето на рестораните и забавен превоз на стоката како мерка за контрола на ширење на вирусот.
Последниве години бројот на испорака на аргентинско месо порасна, особено поттикнато со побарувачката во Кина, што на оваа јужноамериканска држава минатата година и помогна да го згоелми зивозот на говедско месо на три милијарди долари. Извезени се речиси 850.000 тони месо од кое три четвртини заминало во Кина а девет отсто го прави извозот во ЕУ.
Марио Раветино, претседател на АБЦ конзорциумот на аргентински извозници на месо, кој ги претставува локалните одгледувачи, истакнува дека извозот на говедско во Кина, во март се намалил за околу 15 отсто во однос на истиот период минатата година.
Ширење на заразата
Истовремено, проблемот со испораката на стока имаат многу земји членки на ЕУ. Долгото стоење на границите ја зголемува можноста за зараза и ширење на зооноза.
Европската агенција за сигурност на храна (EFSA) предупредува дека стресовите поврзани со ракување и транспорт можат да предизвикаат латентната инфекција да премине во болест. Поголема е веројатноста дека таквите животни ќе ги заразат другите во текот на патувањето или после доаѓањето на местото а во многу случаи ( на пример салмонела) ќе го зголеми ризикот за заболување.
Стравови со снабдување со месо
На оваа криза се надоврзува и загриженоста поради синџирот со снабдување со месо. Секое затвoрање на кланиците би можело да доведе до ограничување со снабдувањето, зголемување на цените и конeчно, проблеми за земјоделците, велат стручњаците.
“Системот кланици е многу ранлив, бидејќи иако и автоматизацијата е се поголема, тие и понатаму во голема мера зависат од човечката работа. Ако некој на кланичката линија е болен, мора ли целата линија да се самоизолира и колку долго? Ако нема доволно луѓе, инспектори или ветеринари, тоа значи дека фабриката не може да работи“, сметаат аналитичарите од компанијата IHS Markit.
Од таму велат дека кланиците последниве години се ранлива точка во синџирот со снабдување со месо. Во САД спрема податоците на Институтот за грижа за животните, бројот на кланици се намалил за скоро 8.000 колку што биле во 1970 година на нешто помалку од 3.000 во 2018 година. Во Велика Британија бројот на кланици на црвено месо опаднал на отприлика од 1900 колку биле пред 50 години на 249 во 2018 година.
Проблем се и работниците кои се за таа работа, кои инаку во Велика Британија се плаќаат 13 фунти на час и не можат брзо да се усовршат.
Значи,предизвици има многу, па не преостанува ништо друго туку да се следи развојот на ситуацијата и да се реагира на време на најдобар можен начин.
Извор: Agroklub.rs
