После низата од прасечко, сарма, колачи, време е да го исчистиме телото. Време е за детоксизација. Постојат голем број на хранливи производи кои можат да ни помогнат да го исчистиме организмот.
Авокадо, домат и спанаќ
Авокадото е богато со глутатион. Овој антиоксиданс е присутен во организмот, а неговата функција е да ги заштити клетките од оксидација и да ги исчисти нашите тела од тешки метали. Исто така и доматите и спанаќот го стимулираат производството на ензими на црниот дроб и дигестивниот систем.
Цвекло и моркови
Цвеклото и морковите се исто така богати со глутатион. Овие намирници се богати со флавоноиди и бета-каротен и му помагаат на црниот дроб да се регенерира и да ја извршува својата прочистувачка улога.
Коријандер – зачин и чистач на отрови од телото
Аспарагус -Поради својата диуретична функција, го помага процесот на чистење со активирање на функциите на црниот дроб и бубрезите кои ги елиминира токсините.
Зелен лиснат зеленчук
Зелениот зеленчук е исклучително богат со хлорофил. Овој асимилативен пигмент може да ги апсорбира токсините и да ја прочисти крвта од тешки метали.
Брокула, зелка, карфиол, ротквици
Конзумирањето на брокулата и карфиолот го зголемува производството на глукозинолат во организмот, помагајќи да се елиминираат канцерогените материи и другите токсини.
Јаболка
Јаболката се богати со пектин, го олеснуваат процесот на чистење на црниот дроб. Сокот од јаболко се препорачува и за детоксикација на црниот дроб.
Разни билни чаеви
Коренот од глуварче му помага на црниот дроб да ги разградува мастите. Зелениот чај го снабдува организмот со антиоксиданти, како што се катехини, важно соединение за работата на црниот дроб. Чајот од рузмарин го стимулира производството на жолчката течност што помага при варењето и ги намалува проблемите со црниот дроб.
Портокал, грејпфрут и лимон се уште еден извор на глутатион богат со витамин Ц и антиоксиданти. Тие го стимулираат производството на ензими за детоксикација на црниот дроб и жолчката и го подобруваат процесот на чистење на црниот дроб.
Куркума и лук
Куркума е корен од Индија кој има многу лековити својства. Учествува во детоксикација на црниот дроб со стимулирање на производството на жолчката и ослободување на каналите на црниот дроб. Исто така, делува и на алергии на одредена храна. Лукот има заштитна улога во детоксикацијата на црниот дроб и содржи големи количини на природни состојки како алицин и селен кои помагаат во чистење на црниот дроб.
Ореви
Оревите се добар извор на глутатион, масна киселина омега-3 која му помага на црниот дроб да се ослободи од амонијакот, супстанција одговорна за одредени болести. Тие исто така стиулираат и оксигенација на крвта и претставуваат идеална намирница за божиќниот пост.
Извор : https://www.agroklub.com/
