Причинителот на пламеницата кај компир и домат е Phytophora infestans, најопасен паразит кој редовно се појавува кај овие култури и значителни штети предизвикува при влажно време. Пламеницата може да ги уништи листовите и стеблото кај компирот и доматот во било кое време од вегетацијата.
Ги напаѓа клубените од компирот и плодовите на доматот кои гнијат и скапуваат во поле или при складирање. Инфекцијата се шири при влажно, ладно време и може да предизвика потполно пропаѓање на растенијата во тек на една до две недели. Штетите кај доматот се најголеми ако во фаза на оформени плодови пламеницата се развие со силен интензитет. Симптомите се појавуваат на врвовите или на периферијата на долните листови како неправилни воденести маслинести дамки кои при влажно време се зголемуваат и формираат кафеави некротични зони со нејасно ограничени ивици, по кои од опачината на листот се појавува габата, се инфицира внатрешноста на лиската, а листовите изумираат и венеат. При постојани влажни услови сите осетливи надземни делови поцрвенуваат и прегоруваат, при суви услови развојот престанува. Нападнатите клубени имаат цвренкасто- црни ранички, ако се пресечат ќе се забележи болното ткиво кое е воденесто и се шири во внатрешноста, и по нивно прибирање доаѓа до влажно гниење, пропратено со непријатен мирис.
На доматот габата се пренесува со ветер, најчесто две недели подоцна од појавата на компирот. Габата се развива односно заразата се шири при релативна влажност од 90-100% и температура од 16-22°C. Р`тливоста се губи за 3до 6 часа доколку релативната влажност е под 80%.
Извор – Агрометео УХМР
