Финска бара нов пеоизвод кој ќе ја издигне над другите исто како што тоа порано беше Нокиа во морето на другите брендови на мобилни телефони. Голем потенцијал гледаат во произвотството на овес.
Финскиот производ Nokia долго време беше во позицијана водечки бренд кај мобилните телефони низ цел свет, а ги има и оние на кои и денес беспрекорно им служат нивните Нокии стари и повеќе од 10 години. Таа водечка позиција сега е изгубена . Сега Финска бара нов производ кој ќе ја издигне над другите.
Финска како ,, овесна суперсила”
Финскиот земјоделец и член на организацијата Copa Cogeca, Max Schulman, мисли дека тоа би можеле да бидат финските овесни снегулки. Имено за оваа житарица има одлични услови на крајниот север на земјата. Сезоната на растење е многу кратка но интензивна. Две третини од годишната дневна светлина се однесува всушност на краткиот летен период, наведува bauernzeitung.at. Овесот таму се сее во мај, а се жнее во август и септември. Во лето сонцето во јужна Финска свети и по 19 часа, а поради арктичката зима намалена е употребата од пестициди и хербициди. Ваквите услови Финска ја прават ,,овесна суперсила” вели научникот Др. Veli Hietaniemi.
Овесот е житарица без глутен
Max Schulman во јужна финска ја поседува фармата Stor-Tötar Gård која се протега на 300 хектари земјоделско земјиште, а годишно произведува 500 тони земјоделски производи. Главната култура е овес која инаку не содржи глутен и како таква е се по популарна. А освен брашното, се преработуваат и овесни снегулки и многу други производи од оваа хранлива житарица
Минатата 2018 година просечниот Финец изел повеќе од седум килограми овес. Финските фармери веќе сега произведуваат повеќе од 14 % од вкупната количина на европски квалитетен овес.
И Schulman i Hietaniemi во производството на овес гледаат многу потенцијал за во иднина, посебно поради тоа што овесот не содржи глутен. Убедени се дека како и Нокиа телефоните, и производите од овес, од сите врсти, ќе станат следниот фински извозен хит.
