Селото Врбица во општината Чока е познато по производство на лук, а оваа земјоделска култура од ова место во Војводина е заштитена со ознака за географско потекло. Меѓу жителите на ова место кои се занимаваат со одгледување на лук е и семејството Михок. Меѓутоа, тие покрај производството на лук, пронашле начин и да го преработат и од него да направат разни производи кои можат да се користат во кулинарството. Милош Михок вели дека неговото семејство со производство на лук започнало да се занимава од 2018 година, а со активна диструбуција во 2019 година, иако семејството Михок и во минатото се занимавало со оваа работа.
„Го одгледуваме на површина помеѓу 2 и 2.5 хектари, се зависи од ротацијата на насадите за да му се овозможи на земјиштето да се обнови. Лукот што го одгледуваме е специфична пролетна сорта која се развила поради типот на земјиштето како и временските услови кои кај нас во Северен Банат се застапени. Самиот лук има висок процент на суви материи и етерични масла и тие две ставки му даваат долготрајност и го олеснуваат чувањето“, вели Милош.
Уште една од препознатливите особини е дека главиците во просек се нешто помали отколку кај есенскиот лук, што доаѓа од глинестата, а претходно мочурливо земјиште кое ги компресира главиците, но и ги збогатува со својата богата минерална содржина.
Семејството Михок продава лук во пакувања од 500 и 1000 грама и преработки кои ги прават по нивен семеен рецепт. Тие вклучуваат намаз од лук, магдонос и маслиново масло, прелив за риба од лук, магдонос и сончогледово масло, закиселен лук во домашен јаболков оцет. Од втората половина на август во својата понуда планираат да воведат и плетенки од лук кои се традиционален метод за конзервирање на свежиот лук од губење на вода т.е калирање.
Ориентираност кон онлајн-продажба среде пандемијата на коронавирусот
Тие го пребираат, го чистат и механички го обработуваат лукот по семеен рецепт. Планираат да го испитаат процесот на производство на сушен, ферментиран како и замрзнат лук. Иако опремата која е неопходна за тоа бара големи вложувања, полека се обидуваат да ја обезбедат. Ова семејство има и насад со сливи и во план им е да го прошират производството во таа насока.
„Поради тоа што претходната година беше таква каква што беше моравме да се прилагодиме на пазарот, па нарачките ги примавме преку нашата веб-страница, социјалните мрежи, мејл или телефон“, вели 32-годишниот Милош, кој се вратил во село Врбица за да не згасне нивната семејна традиција и наследство.
Како што вели Милош Михок , општо познато е дека лукот е силно зачинско растение кое може да се користи на повеќе начини. Може да се употребува при печење на месо и риба. Можат да се ставаат чешниња директно во месото или да се филува со некои преработки.
Исто ака, намазот од лук може да се користи за пржење на месо, се става наместо масло во тавата, лажиче од намазот и тој за разлика од силниот вкус на лукот станува со сладок вкус. Не се препорачува да се користи „на лажиче“ или директно како намаз поради силината на вкусот, но може да се измеша со неутрални или кисели намази.
Извор: agromedia.rs
