Камелија се смета за најстара култивирана билка во светот. Потекнува од Источна Азија, а во Европа пристигнала пред 300 години од Јапонија. Тоа е грмушка што расте бавно, но живее многу долго и има убави цвеќиња.
Камелија сака делумна сенка и сенка, топла и влажна земја и да биде заштитена од сонце и ветер. Многу добро поднесува ниски температури.
Од неколку стотици диви видови камелија, градинарите направиле неколку илјади сорти. Меѓу нив, најпозната е „Camellia japonica“. Лесно се одгледува и во градина и во саксии. Се карактеризира со голем цвет, кој може да биде монохроматски (од бело до црвено) или шарен.
Камелијата цвета во третата година и затоа е најдобро да се купи расад од расадник.
Избор на вистински вид
При избор на кој вид камелија ќе се засади, најдобро е прво да се погледне времето на цветање. На пример, „sasanquas“ цвета од средината на есента до почетокот на зимата, „japonica“ од средината на зимата до пролет, а хибридите во зависност од сортата. Најдобро е да изберете растенија со различно вре,е на цветање за подолго да уживате во нивната убавина.
Почва: камелијата бара благо кисела почва (pH 5,5-6,5); не расте добро на почва со висока pH вредност и ќе покаже знаци на стрес, што вклучува жолти лисја.
Влага: Камелија има чувствителен корен на премногу вода што ќе предизвика гниење. Затоа е потребно почвата добро да се исцеди.
Светло: најдобро се развива во делумна сенка, односно утринското сонце и попладневната сенка се идеални услови. Ова особено се однесува за младите растенија, кои успеваат во сенка на високи дрвја или ако се одгледуваат на северната страна од куќата. Како што растението расте и станува поголемо, неговата грмушка ќе го лади коренот, така што постепено ќе прифати повеќе сонце.
Засадување на камелии
Најдобро време за садење е помеѓу октомври и март. Камелијата треба добро да се наводни пред пресадување. Дупката треба да биде двојно поширока од коренот и исто толку длабока. Осигурете се дека крошната е најмалку 10 см над земјата. Наполнете ја дупката со земја, нежно притиснете со рацете и потоа полијте со вода.
Наводнување
Наводнувањето е потребно кога е тазе засадена и кога има екстремни суши. Растенијата по 3-годишна возраст не бараат многу вода, но проверете дали е добро исцедена почвата кога ги полевате.
Прихрана
Користете ѓубриво за камелија на пролет, откако ќе паднат цветовите, па повторно во текот на летото, особено ако забележите дека расте бавно или лисјата изгледаат ретки и почнуваат да ја губат својата темно зелена боја. Важно е да не се наводнуваат растенијата во текот на летото, еден ден пред прихраната. Не треба да се претерува ако растението е веќе во плодна почва, бидејќи тогаш му треба малку ѓубриво. Исто така, камелијата не треба да се прехранува ако е болна. По август, не е потребно да се прихранува, бидејќи влегува во период на мирување.
Режење
Режењето се врши по цветањето. Неопходно е да се отстранат мртвите и слаби гранки, а може да ја обликувате да расте нагоре со отстранување на страничните гранки или да ја насочите да расте како грмушка.
