Руколата е растителна култура, која е многу барана во сезоната на ран зеленчук во Ваљево, но е малку застапена во оранжериското производство. Данијела Петаковиќ, млада жена од Ваљево, го препознала тоа како деловна шанса. Одгледувањето рукола е дополнителна работа за неа.
Кога Данијела Петаковиќ одлучила да одгледува рукола во Бујачиќ, предградие на Ваљево, килограм зеленчук чинел 2.000 српски динари (околу 1.000 денари).
„Никогаш немав влезено во пластеник, ниту засадено цвеќе, но ми беше доста интересно. Се обидов, првиот пат не успеав, но следниот пат видов што и треба, и точно како и треба. Сега го забрзав малку производството. Сега сеам директно во земјата, нема расадување и го добив истиот ефект. Значи, има различна рукола, квалитетот е ист, а што се однесува до производството, можам да кажам дека научив малку повеќе за тоа“, вели Даниела.
Таа одгледува рукола во два пластеника. Иако има дополнителна работа, сè прави сама. Понекогаш нејзиниот татко и соседот и помагаат.
– Не знаев што е рукола сè додека Даниела не започна да ја произведува. Мајка ми почна да ја купува, јас ја пробав само за да видам каков вкус има и ми се допадна – вели Мирјана Тимотиќ од Бујачиќ.
Од почетокот на пандемијата, Даниела го користела своето искуство во комерцијалниот бизнис за пласман на својот производ. Кога сè било затворено, работел онлајн пазарот. Од неодамна ја продава својата рукола на локалните трговски ланци.
„Буквално продавам се до последниот лист, не останува ништо и тоа ми даде поттик да се проширам. Ќе се проширам, ќе произведам малку поголема количина, така што се надевам дека пазарот ќе биде задоволен, малку поширок, надвор од Ваљево“, додава Даниела.
Таа подготвува парцела на која ќе изгради уште 20 пластеници. Со насмевка вели дека се гледа себеси како иден земјоделец.
Извор: agropress
