Нов Зеланд, на 2. декември оваа година, прогласи вонредна климатска состојба, обврзувајќи се да ги намали емисиите на карбон диоксид до 2025 година. Ова, како што тоа го нарече премиерката Џасинда Ардерн, е од најголемите предизвици на нашето време.
Во декларацијата која била доставена до парламентот се потенцира разорното влијание кое нестабилните и екстремните временски услови ги имаат во оваа земја, а исто така потенцирана е и благосостојбата на жителите, примарната индустрија, достапноста на вода и јавното здравје при поплавите, порастот на нивото на морето и шумските пожари. Уште 32 држави формално ја признале глобалната криза прогласувајќи вонредна климатска ситуација, пренесува Гардијан.
Во земјата е забележан алармантен тренд на опаѓање на глобалниот биодиверзитет, вклучувајќи и намалување на автохтониот биодиверзитет на Нов Зеланд.
Лабуристите, Зелените и Маорската партија гласале за оваа декларацијата, додека ACT и Националната партија биле против.
Зборувајќи во Парламентот, Ардерн изјавила дека земјата мора итно да реагира.
– „Оваа декларација е потврда за следната генерација. Потврда за товарот кој ќе го носиме ако веднаш не преземеме нешто“, истакна таа.
Џасинда Ардерн, изјавила дека владиниот сектор ќе мора да купува само електрични или хибридни возила, возниот парк со текот на времето ќе се намали за 20%, а сите 200 котли на јаглен кои се користат во зградите на јаваните служба ќе бидат заменети.
Извор: Tanjug
