Цвеќињата бараат соодветна нега во текот на сезоната за да можат во секој момент да го дадат својот максимум во цветањето. Важно е да се одберат растенија во зависност од местоположбата на балконот или на терасата. Доколку се наоѓа на северната страна, засадувајте ниски и цврсти растенија кои ќе можат да го издржат ударот на северниот ветер. Сончевите места свртени на југ или на запад се најпожелни бидејќи за нив има најголем избор на цвеќиња.
Исто така мора да одлучите дали ќе садите ниски или високи сорти на цвеќиња или пак можеби ќе се одлучите за лазачи. На лазачите неопходно е да им обезбедите потпора односно арматура по која ќе растат и нема да се скршат.
Поливајте ги со стоена вода
Сите растенија не бараат иста количина на вода, затоа поливањето треба да биде во зависност од тоа за кое растение станува збор но и од положбата на саксијата. Секако колку повеќе растенија има во една саксија тие побрзо ќе ја пијат водата, а земјата на сончевите и ветровитите места побрзо се суши, па во тие случаи треба почесто да се наводнуваат. Важно е да се користи стоена вода, а никако ладна вода дирекно од водоводот.
Најдобро е растенијата да се наводнуваат навечер бидејќи површината на листовите ќе се исуши преку ноќта и тоа нема да биде подложно на пропаѓање и на појава на трулеж. Ако не сме во можност да ги наводнуваме навечет тогаѓ тоа треба да се направи наутро. Избегнувајте цвеќињата да ги полевате во средината на денот бидејќи тоа може да има негативен ефект. Кога ги полеваме растенијата во текот на жежок ден со ладна вода тие доживуваат стрес што може да предизвика отфрлање на цветовите и на листовите.
Прихранувајте ги цвеќињата со ѓубриво богато со фосфор
Растенијата во градината растат во жива почва богата со хранливи материи, а на растенијата во саксиите на располагање им е само она што ќе им го дадеме. Затоа треба редовно да се прихрануваат, а тие ќе ве наградат со многу цветови. Жолтеникавите листови најчесто се првиот знак за недостаток на хранливи материи во почвата што не претставува голем проблем ако навреме реагираме и почнеме повремено да ги прихрануваме.
Сепак една работа треба да се земи во предвид- ако ги прихрануваме со азот тие ќе имаат изобилство од листови за сметка на цветовите. Затоа користете течно ѓубриво богато со фосфор кое позитивно делува а цветањето. Водете сметка супстратот односно земјата да биде влажна а се препорачува да се прихранува непосредно после полевањето.
Исечете ги прецветаните цветови и овенатите листови
Чистењето на овенатите листови и прецветаните цветови е најважна мерка за нега на цвеќињата после полевањето и прихраната. Важно е да се отсранат бидејќи овенатите делови ќе почнат да гнијат, а тоа ги зголемува шансите за создавање на гливични заболувања. Со отстранување на прецветаните цветови се поттикнува растот на нови цветни пупки и на расението му овозможува континуирано цветање.
При чистењето можете и да ги изрежите премногу долгите гранки и да го исправите растението со потпорни стапови. Чистете ги цвеќињата од прашина, пајажина и од штетници.
Заштита на растенијата во текот на летото
Многу е важно да се прати појавата на болести и штетници и да се реагира во вистинско време. Многу често може да се појават болести како ‘рѓа, трулеж и појава на штетници. Штом ги забележите првите симптоми на промена на бојата на листовите или на цветовите отстранете ги. За заштита можат да се користат и голем број природни препарати на база на лук, пепел и сл.
Извор: Агроклуб
