Неодамна, во центерот на вториот по големина град во Канада, Монтреал, компанијата Луфа Фармс отвори стаклена градина која се протега на дури 15.000 м2. Просторот зафаќа површина како три фудбалски игралишта и е изграден со цел да ја задоволи зголемената побарувачка за храна.
Модри патлиџани и домати се одгледуваат на покривот на една зградата, а на приземјето има огромен дистрибутивен центар со скоро 2.000 прехранбени производи.
„Нашата мисија е да одгледуваме храна каде што живеат луѓето и тоа на одржлив начин“, изјавил портпаролот на Тибо Сорет.
Овој стакленик е четврти ваков објект што се гради во Монтреал, а првиот беше подигнат во 2011 година. Оттогаш, започнаа да се градат и други слични објекти, вклучувајќи ја и америчката фирма Готам Гринс, која изгради 8 стаклени градини на покривите на зградите во Њујорк, Чикаго и Денвер.
Производите се продаваат во локалните супермаркети
Од 2017 година, локалните супермаркети нудат голем асортиман на зеленчук одгледуван во овие оранжерии, а покрај тоа, проектот го „зазелени“ градот и со тоа придонесе за намалување на емисијате на стакленички гасови кои се поврзани со климатските промени.
Во текот на целата година, тие произведуваат околу 100 видови зеленчук и зачински растенија во хидропонични контејнери обложени со кокосови влакна. Во нив исто така се одгледува и зелена салата, краставици, тиквички, целер и многу други.
Опрашувањето на растенијата се врши со бумбари, а природните грабливци ги држат лисните вошки под контрола, така што, според тврдењата на компанијата, нема потреба од пестициди. Секоја недела се собираат 25.000 килограми домати и модри патлиџани и велат дека цените се прифатливи.
Тие работат на одржлив начин, заштедуваат енергија и вода
„Предноста на одгледувањето на зеленчук на кров е тоа што враќа голем дел од енергијата потребна за пониските делови од зградата, вклучувајќи ја и заштедата при греењето што е голема предност за време на суровата зима во Квебек“, тврди Сорет.
„Искористивме простори кои досега беа целосно неискористени“, додаде тој, додавајќи дека овој систем е целосно автоматизиран. На пример, има систем што ја собира дождовната водата и повторна се употребува истата, што претставува значителна заштеда во споредба со обична стаклена градина.
„Луфа повеќе од двојно ја зголеми продажбата за време на пандемијата и ова го припишуваме најмногу на бесконтактната испорака преку нашата веб-страница“, тврди Сорет. Според него, тие имаат 500 вработени,а тоа е 200 повеќе отколку пред пандемијата.
Моментално работат на електрификација на нивниот возен парк кој се сотои од камиони за испорака и се во фаза на извоз на своите производи во разни градови низ светот.
Извор: Агроклуб
