На Европа и се заканува африканска свинска треска: Германија крева ограда на границата со Полска, уништени се 24.000 свињи во Бугарија

55 нови случаи на африканска свинска треска кај живи свињи забележани се  во  Полска во близина на границата со Германија.

Во Полска, во декември забележани се  55 случаи на африканска свинска треска кај живи свињи во близина на границата со Германија, соопшти денеска Светската здравствена организација организација за животните (ОИЕ).

Според извештајот објавен на веб-страницата  на ОИЕ, заболувањето што го десимира кинескиот фонд на свинско месо, најголемиот светски производител на свинско месо, сега е откриено во едно село кое се наоѓа  на околу 30 километри од Германија, која всушност  е најголем извозник на свинско месо во Европската унија, пренесува Ројтерс.

Во Германија стравуваат дека нивниот извоз на свинско месо во Кина и другите азиски земји може да биде во опасност, па властите во германските држави кои граничат со Полска кренале огради во обид да го спречат движењето на живи свињи на нивната територија и ширење на болести.

Германската држава Бранденбург постави ограда висока 90 см, и  ги олесни ограничувањата на ловците за да се овозможи поголем лов на диви свињи, соопшти државното Министерство за земјоделство.

Државата Саксонија објави дека ќе инсталира 4,5 км електрична ограда во областите со висок ризик во близина на границата со Полска  и тоа уште оваа недела.

Земјите каде што е откриени појава  на некоја заразна болест кај животните, како што е африканска свинска треска или високо патоген птичји  грип, должни се  навремено да го известат ОИЕ и да доставуваат редовни извештаи за следењето на болестите.

Иако африканската свинска треска не е опасна за луѓето, но е смртоносна за диви и домашни свињи, редовно се воведува забрана  за увоз на свинско месо од регионите каде се појавила.

ЗАКАНА ОД БУГАРИЈА:  НА ФАРМА ОТКРИЕНА АФРИКАНСКА СВИНСКА ТРЕСКА, ЌЕ БИДАТ УНИШТЕНИ 24.000 СВИЊИ

Бугарските ветеринарни служби објавија денеска дека ќе се колат 24.000 свињи откако е откриен  вирус на африканска свинска треска на една фарма на северо-исток на земјата.

Од Агенцијата за безбедност на храна соопштија дека епидемијата е откриена на фарма во село во регионот Шумен.

Тоа е прва епидемија на индустриска фарма од  август минатата годин, кога вирусот погоди шест фарми во Бугарија, принудувајќи ги властите да закoлаат повеќе од 130.000 свињи, соопшти Ројтерс.

Извор : https://www.novosti.rs/