Министерството за земјоделство, шумарство и водостопанство денеска го објави јавниот оглас за давање во закуп на државно земјоделско земјиште за површини до 3 хектари во реонот на Свети Николе.
Со повикот е предвидено доделување во закуп на вкупно 614 хектари во овој реон. Земјоделското земјиште е наменето за подигање на долгогодишни насади со лозја, овоштарници, хмељ, оранжерии, лешници, маслинарници, одгледување на брзорастечки дрвја, рибници, поставување на пчелни семејства,спортско-рекреативни активности и рурален туризам.
Право на учество имаат сите домашни физички и правни лица и странски правни лица. Рокот за поднесување пријави за учество на јавниот оглас е 10.12.2019 година. Понудите доставени за овој јавен оглас ќе бидат јавно отворени на 13.12.2019 година во Министерството за земјоделство, шумарство и водостопанство.
Напишете коментар