Министерството за земјоделство, шумарство и водостопанство денеска соопшти дека исплатиле 177.533.000 денари кон 1.636 лица за предадено јагне и/или јаре.
Од Министерството информираат дека реализирана е исплата на дополнителни директни плаќања од подмерки 2.8 и 2.10 за предадено јагне и/или јаре од Програмата за финансиска поддршка во земјоделството за 2024 година.
-Корисници на оваа подмерка се земјоделски стопанства одгледувачи на овци и кози и се корисници од подмерка 2.8 и 2.10 кои имаат предадено јагне и/или јаре во регистриран кланичен капацитет во период од 26 декември 2023 година до 25 декември 2024 година, посочуваат од МЗШВ.
Потенцираат дека оваа мерка претставува дел од континуираната поддршка на Министерството за земјоделство, шумарство и водостопанство за развојот на сточарството во Македонија.
МИА
