Србија е позната по производството на малини.
Во 2017 година Душан Гајиќ, од село Јаловик во близина на Владимирци, подигнал насад на 1 хектар малини под пластеници.
-Ова е четврта сезона, од половината на јуни, па до половината на ноември ние береме малини. И кога врне, бидејќи сме заштитени, па ни се чудат кога носиме малини во врнежлив ден. Значи бербата ни трае 4-5 месеци и тоа ни одговара и поради проблемот со недостиг на работна рака. Береме 50 килограми дневно, а ги пакуваме во 150 грамски пакувања по цена која ни одговара. Задоволни сме и од инвестицијата и од продажбата. Сакавме да пробаме нешто ново, органско производство и во соработка со земјоделскиот факулутет се одлучивме на овој начин на производство. Садниците се холандски и се покажаа многу квалитетни, уште првата година 2017 кога го подигнавме насадот имавме 5 тона род – вели Гајиќ.
