Винаријата “Попови” е мала фамилијарна винарија која се наоѓа во Кавадарци позната по вински дегустации и винскиот подрум кај привлекува туристи.
Покрај освоениот Grand Gold за виното Каберне Совигњон на натпреварот кој се одржа во организација на Општина Неготино за 14 февруари, оваа винарија беше и победник фестивалот на младо вино 2019 со виното Вранец оценувано од Macedonian Winemarkers – македонски енолози.
На 20 февруари во Белград се одржа најголемиот регионален саем за вино со над 130 изложувачи од 14 земји.
Винскиот подрум “Попови” се закити со едно злато и две бронзи на натпреварот “BEOWINE Challange CUP 2020”. Во конкуренција на вина од Србија, Босна, Хрватска, Италија, Црна Гора, Бугарија и Македонија виното Vranec Barrique 2018 се закити со Златен медал додека вината Шардоне и Темјаника освоија бронза.
Со ова се потврдува одличниот квалитет на вината на Винскиот подрум “Попови”, но и промоцијата на земјата како дестинација за вински туризам.
