Почнувајќи од април оваа година, онлајн продажбата на храна во Србија се зголемила за 200%, продажбата на облека за 100%, а на техничките уреди и компјутерската опрема за 50%, соопшти тамошното Министерството за трговија, туризам и телекомуникации.
Во исто време, бројот на поплаки од страна на потрошувачите за начинот на остварување на нивните права се зголемил за околу 30%.
Државниот секретар во Министерството за трговија, туризам и телекомуникации, Татјана Матиќ за Танјуг изјави дека, за време на вонредната состојба поради пандемијата од „Ковид-19“, поштенските оператори забележале пораст на бројот на пратки, односно пораст во испораката на стоки купени преку е-трговија за 40%, додека трговците забележале пораст, некои од 50%, некои пак дури до 300%.
„И после укинувањето на вонредната состојба, поштенските оператори забележаа уште поголем раст од 50 на 100%, додека повеќето трговци бележат просечен раст од околу 100%, тоа се податоци од Здружението за е-трговија на Србија“, рече Матиќ.
Таа изрази надеж дека растот на е-трговијата ќе продолжи и понатаму благодарение на редовните е-купувачи, како и на тоа дека се појавиле нови клиенти кои дури сега дознаваат за безбедноста и квалитетот на онлајн трговијата. Но се поголем е бројот и на трговци на мало кои отвораат се поголем број на канали за продажба на Интернет.
„Техничките уреди и компјутерската опрема отсекогаш биле најбараните производи во е-трговијата, но за време на пандемијата од корона вирусот, состојба се промени, па граѓаните на интернет најмногу купуваат храна и облека“, вели Матиќ
Во април, имало екстремно зголемување на е-трговијата, голем број на луѓе за прв пат се обиделе да купуваат преку Интернет и ги откриле сите придобивки на купувањето без да се оди во продавница, но исто така забележано е и зголемување на поплаките од страна на потрошувачите и остварување на нивните права за 30%.
Граѓаните најчесто се жалат на несообразност на стоките, издадените гаранции, рокот на испорака, наплата и слично.
Државниот секретар Татјана Матиќ потенцира дека, Законот за заштита на потрошувачите, јасно ги дефинира правата на потрошувачите во врска со продажбата од далечина, т.е. во рамките на онлајн купувањето, како и обврските на трговеците за преддоговорните информации, извршувањето и времето на достава, како и правото на потрошувачот да се повлече односно, откаже од купувањето во рок од 14 дена, причините за тоа, како и обврската на трговците во таков случај.
„Сепак, важно е да се напомене дека овие права можат да се остварат само доколку потрошувачите купуваат од регистрирани трговци на мало, што е главен услов за безбедено интернет купување“, потенцира таа.
Една од многубројните активности на Министерството е поврзана со зајакнување на довербата на граѓаните во е-трговијата и објавување на упатства за е-трговија.
„Меѓу другото, сите тие упатства ги насочуваат граѓаните кон потребните чекори за време на овој вид купување, како што се проверка на продавачите, условите за купување, заштитата на дигиталните уреди и чување на податоците“, додаде Матиќ.
Упатствата, како што објасни таа, даваат и практични совети за тоа како да се изврши плаќањето како и некои специфични објаснувања за правата на потрошувачите, односно обврските на трговците, кои се регулирани со новиот Закон за трговија и измените на Законот за електронска трговија. Упатствата потсетуваат и на можноста граѓаните да се премислат во рок од 14 дена и да ја вратат стоката со поврат на сретства, вели Матиќ и наведува дека Министерството во моментов работи на усвојување водичи за е-трговци и нивното објавување може да се очекува во третиот квартал од оваа година.
Паралелно со овие активности, се спроведува јавна едукативна кампања од областа на е-трговијата. Растот на електронската трговија во Србија е регистриран уште од почетокот на годинава, а пред воведувањето вонредна состојба. Според Народната банка на Србија во првото тримесечие од оваа година бројот на динарски е-трансакции со картички и е-пари е зголемен за 82,19% во однос на истиот период во 2019 година.
Извор: Агропрес.рс
