Продажбата на италијанското овошје нагло порасна во Германија, бидејќи тамошните потрошувачи сакаат да создадат залиха на продукти среде епидемијата на корона вирусот, а побарувачката за јаболката во некои случаеви, се зголемила и повеќе од двојно.
Во разговор за “Italiafruit News”, Мирко Занели, менаџер на продажба на водечкиот извозник “Apofruit Group”, изјавил дека извозниците од купувачите имаат се поголeма побарувачка за свежо овошје.
“Побарувачката за јаболка од нашите германски купувачи порасна за околу 30 % во споредба со вообичаеното. Овој пораст започнал во втората половина на минатата недела и сеупте не престанал. Со јаболките зголемена е побарувачката и за киви“, вели тој.
Занели додаде дека побарувачката пораснала за сортите гала и грени смит, додека вообичаената продажба на сортите златен делишес и пинк стои.
Клаус Холзл, менаџер за продажба на извозникот на јаболка “Vog”, и Никола Мангани од конзорциумот за маркетинг на јаболка “Melinda” сепак не очекуваат дека долго ќе потрае ваквиот тренд за зголемена побарувачка за овошје од Италија.
