Соопштение:
Почитувани раководители на институциите од областа на агросекторот: Министерство за земјоделство, шумарство и водостопанство, Агенција за храна и ветеринарство, Агенција за финансиска поддршка во земјоделството и руралниот развој, Државен земјоделски инспекторат, Агенција за поттикнување на развојот на земјоделството – Специјализираната платформа за информации од областа на агрокомплексот – АГРОТИМ ви стои на располагање за подобра комуникација со земјоделските производители по препораките на Владата за редуцирање на директните контакти со нив.
Како и до сега, сите соопштенија, информации и официјални ставови на МЗШВ и на останатите институции ќе бидат објавувани, а до вас ќе ги доставуваме прашањата на земјоделците со цел тие да добијат точна и навремена информација.
На овој начин ќе се вклучиме активно и против лажните вести и шпекулации, а до земјоделците ќе доаѓаат проверени и сигурни информации.
