Земји од ЕУ – Проценетата берба на јаболка е 11,90 милиони тони оваа сезона. Тоа е за 10% повеќе од минатата сезона и пазарните цени сега се пониски. Просечните цени во август 2020 година беа 0,87 евра за килограм – во август 2021 година, цената беше 0,70 евра за килограм. Но, минатиот септември, цената на јаболката беше 0,75 евра за килограм, сега во септември 2021 година, цената беше 0,78 евра за килограм. Просечната цена за последните 5 години е од 0,63 до 0,68 евра за килограм.
Русија – Добра берба на јаболка и во Русија. Но и покрај зголемувањето на површините под јаболка и подобрите приноси, дури 50% од пазарот не е задоволен од домашното производство. Цената на јаболката ајдарет е 0,60 евра за килограм, сортата гала 0,45 евра за килограм, златен делишес 0,60 евра за килограм, исто како и грени смит.
Полска – Бербата ќе донесе повеќе од 4 милиони тони јаболка оваа сезона. И покрај мразовите и невремето, родот е добар, но не е рекорден. Цената на јаболката ајдарет е 0,13 евра за килограм, гала 0,28 евра за килограм. Стандардната сорта златен делишес 0,33 евра за килограм.
Молдавија – Добар почеток на бербата на сортата златен делишес во Молдавија. Приносот е за 25% поголем од минатата сезона, затоа цената е 0,23 – 0,34 американски долари за килограм. Климатските промени условија послаб квалитет, така што трговците претежно купуваат веќе сортирани производи.
Кина – Кина очекува повеќе од 42 милиони тони јаболка оваа сезона. Провинциите што одгледуваат рани јаболка веќе собрале повеќе од 4,5 милиони тони јаболка. Провинциите Јанан и Шанкси претрпеа штети од мраз и бури во текот на сезоната и сега цената на првокласните јаболки е 0,80 евра за килограм. Оштетените плодови се нудат по 0,05 евра за килограм, но трговците не ги сакаат.
Извор: agroinfonet.com
