Глобалниот пазар на јаболка се соочува со значителни предизвици, во зависност од регионот. Производителите се борат со многу проблеми во производството и дистрибуцијата, наведува Freshplaza.
Поинаква е ситуацијата на пазарот на земјите членки. Полска е голем производител и извезува на пазарот на ЕУ и другите европски земји. Се очекува висококвалитетните јаболка од полските ладилници да стигнат и до Азија. Во исто време, Холандија се бори со експанзијата на полскиот увоз. Инфлацијата ја намали потрошувачката во Белгија.
Потрошувачите повеќе бараат поевтини сорти, како што е Јонаголд, а има помала побарувачка за клупски сорти. Пред 20 години Белгијците консумирале 12 кг јаболка по глава на жител, а сега само 6,8 кг.
Во Франција, 2023 година започна со релативно мали залихи на ова овошје. Евидентирано е намалување од седум отсто во однос на претходната кампања и девет отсто во однос на просекот од последните три години. Помала е понудата, но и извозот, што му дава стабилност на пазарот. Просечната малопродажна цена е 2,01 евро, но откупната е многу ниска за производителите.
На германскиот пазар доминираат јаболка од домашно производство. Најзастапени сорти се Istar, Jonagold, Braeburn и Boskoop. Од Италија на пазарот доаѓаат Granny Smith, Pink Lady и Golden Delicious. Клубските сорти Pink Lady и Jazz пристигнуваат од Франција.
Австрија оствари зголемена продажба во однос на минатата година, додека Италија бележи најмали залихи – 961.955 тони, што е најниско во последните неколку години. Цените во Шпанија се повисоки од минатата сезона, но пониски од просекот.
По разорниот земјотрес, Турција се соочува со проблеми со дистрибуцијата. Се очекува логистичките проблеми да ги зголемат цените на јаболката. Циклонот Габриел уништи многу насади со јаболка во Нов Зеланд и предизвика штети од милиони долари.
Во Јужна Африка, градот го намали родот, што резултираше со ограничена понуда. САД доживеа рекордно производство, додека Аргентина се соочува со најниско ниво на производство во последните неколку години.
Напишете коментар