Деновиве е актуелен повикот за Мерка 113, неповратни 20.000 евра за млади на возраст од 18 до 40 години.
Како и за секој повик првиот сигнал дали има интерес кај земјоделците, доаѓа од Агенцијата за поттикнување на развојот на земјоделството (АПРЗ), поточно од советниците кои работат на терен со земјоделските производители.
-Интересот е голем, земјоделците постојано се интересираат и информираат за начинот на апликација, критериумите и условите за да добијат неповратни 20. 000 евра инвестиција во нивните агробизниси. Нашите советници целосно им излегуваат во пресрет, од информации до комплетна изработка на апликациите. Нашата инситуција и овој пат ќе одговори на очекувањата на земјоделците со цел тие што повеќе да ги искористат овие средства од буџетот на државата – изјави за Агротим, дитректорот на АПРЗ, Елагафар Јусуфи.
Тој додаде дека во интерес на подобро информирање, АПРЗ организира и инфо сесии, како и директно известување до земјоделските производители кои можат да ги исполнат условите.
