Во Битола се одржа Национална работилница за обука „Зајакнување на капацитетите за адаптација кон климатските промени во земјоделството“, организирана од Министерството за земјоделство, шумарство и водостопанство во партнерство со SWG и со поддршка од GIZ.
На оваа работилница присуствуваше и ја отвори директорот на АПРЗ, кој со пригодно обраќање до присутните се заблагодари на организаторите и нагласи дека ваквите работилници се од особено значење за вработените во АПРЗ.
На обуката присуствуваа советодавци од АПРЗ и претставници од повеќе региони, со цел унапредување на климатски отпорни и економски одржливи земјоделски практики.
Преку практични теми и демонстрации беа презентирани решенија за управување со вода, здравјето на почвата, отпорни сорти и адаптација на земјоделството кон климатските промени.
АПРЗ ќе продолжи активно да ја поддржува имплементацијата на овие практики на терен.
АПРЗ
