Голем број животини живеат во групи. Тука спаѓаат и лебарките кои не можат да опстанат самостојно. Според направените истражувања лебарките поседуваат вид на колективна меморија што произлегува од групните социјални интеракции.
Новите факти покажуваат дека колективната меморија може да се формира исклучиво преку динамиката на групата, што е од клучно значење за нивен опстанок.
Научниците од Слободниот Универзитет во Брисел спровеле истражување во живеалиште на лебарки со две засолништа, од кои едното било осветлено со црвена, а другото со зелена боја. Поголемиот број од лебарките се скриле во засолништето со црвена светлина.
По ова, истражувачите ги смениле светлата, но лебарките не го напуштиле засолништето.
Лебарките имаат природна склоност да живеат во групи од истиот вид. Со експериментот е утврдено дека тие не го напуштиле засолништето и покрај промената на светлината. Според авторите на научниот труд, тие поседуваат колективна меморија.
Студијата е објавена во научното списание „ПЛОС ван“ (PLOS One).
МИА
