Бугарија и оваа година ќе ги намалува субвенциите за оние земјоделци кои нема да ги почитуваат правилата за пелење на оган, најмалку на 100 метри оддалеченост од шумите. Ова ќе биде една од можните санкции предвидени за неодговорното однесување.
Регионалните дирекции за земјоделство во оваа држава веќе ги прават неопходните подготовки за почетокот на сезоната на пожарите на земјоделските површини, која ќе трае до 31 октомври 2020 година. Пожарникарите и воените службеници во Стара Загора одржаа работна средба на која истакнаа дека тие се подготвени да ја држат под контрола ситуацијата.
За време на овој период е забрането да се палат стрништа и друг растителен отпад на земјоделските површини и надвор од нив, како и да се пали оган на отворено. Од почетокот на вегетацијата на земјоделските култури до жетвата, забрането е палење на оган на отворено, пушење и паркирање на моторни возила во областите со житни култури и на оддалеченост помала од 50 метри од нив, како и поправка на инфраструктурни објекти што минуваат низ областите со житни култури.
Земјоделците мора да постават противпожарни апарати на земјоделските површини насеани со житни култури, како и да користат земјоделски машини што ги исполнуваат условите за безбедно работење. Во моментов се прават проверки за исправноста на земјоделските машини во врска со претстојната кампања за жетва. Компаниите за чистење на патиштата исто така се подготвуваат за сезоната на пожарите и се коси сувата трева покрај патиштата.
Извор:Агри.бг
