Овоштарите секогаш бараат квалитетен овошен восок. Добар дел од нив се откажале од купувањето и сами подготвуваат премази за раните на стеблата кои настануваат по кроењето или се резултат на оштетувања.
Премазите на база на глина се лесни за подготовка, евтини и со додатоци можат да имаат различни заштитни ефекти. Глината содржи оксиди на силициум и алуминиум, но и многу елементи во трагови. Постои зелена, сива, бела, жолта, црвена, сина и црна и секоја од нив има карактеристични својства. Најчесто среќаваме зелена глина која содржи многу железо, манган, бакар, калиум, магнезиум и други елементи. Одлична е за лекување на болести на кората и раните кои треба претходно темелно да се исчистат. Белата глина е слабо растворлива во вода и е добра за обложување на рани. Жолтата содржи многу сулфур. Освен за прихрана, сината глина се користи и за заштита на растенијата бидејќи содржи минерални соли.
Германски премаз
Ова старо средство е ефикасно и сè уште се користи. Се подготвува од глина, дивизма и слама во сооднос 2:1:1 и вода која се додава по потреба. Сламата е претходно иситнета. Сè добро се меша, постепено се додава вода за да се добие густа паста.
Биодинамичен премаз за винова лоза
Овој премаз настанал и првенствено е наменет за третирање на рани настанати при резидба на винова лоза. Се базира на рецептот на Монти Валдин и Винсент Мејсон.
За да го користите, ќе ви треба кофа во која ќе додадете 1/3 канта свежо кравјо ѓубриво, 1/3 кофа со глина во прав, три литри чај од коњско опавче и пет милилитри есенцијално масло од чајно дрво. Добиената количина ќе биде доволна за еден хектар лозови насади. Растението коњско опавче и чајното дрво имаат антибактериски и антигабични својства, а глината има функција на лепак. Чајот од коњско опавче треба да се направи ден претходно и да се остави да се излади.
Ѓубривото и глината добро се мешаат. Без оглед на количината што ја правите, нивниот сооднос треба да биде 1: 1. Се додава чајот и капки есенцијално масло.
Извор: agroklub.com
