Ова мало бразилско село е создадено од жена, само за жени, има свои правила и свој систем на организација на работата и животот.
Ноива до Кордеиро е основано во 1891 година од страна на Марија Сенхориња де Лима, која била протерана од нејзиното село поради прељуба. Денес има само 600 жители, главно жени и само неколку мажи. Тие си го уредиле животот онака како што сакаат и се чувствуваат удобно во своето женско царство. Веруваат дека успеале да организираат многу подобар живот од мажите.
На ова единствено место нема конкуренција, напротив, сите се чувствуваат како едно семејство. Си помагаат и споделуваат сѐ што имаат.
Некои од жените имаат сопрузи и деца, но мажите можат да ги посетат своите сопруги во Ноива до Кордеир само за време на викендите, исто како и синовите кои наполниле 18 години, пренесува Аfrinik.com.
Во работните денови, сите девојки обработуваат земјоделско земјиште, готват, организираат импровизирани салони за убавина и модни ревии една за друга, за празници и саеми.
Само еднаш ова женско село потпаднало под машка диктатура. Во 1940 година, евангелскиот свештеник Анисио Переира се оженил со една девојка на Ноива до Кордеира. Основал црква во градот и веднаш почнал да наметнува строги правила за жените. Повеќе од 50 години, на жените им било забрането да слушаат музика, да се шишаат, да пијат алкохол, па дури и да користат контрацептивни средства.
По смртта на Аниси Переира, жените цврсто одлучиле никогаш повеќе да не дозволат ниту еден маж да управува со градот.
Ова необично село има свои страници на социјалните мрежи каде одвреме-навреме се појавуваат огласи за барање мажи. На друг начин девојките едноставно не можат да создадат нормално семејство. Сите претставници на посилниот пол со кои комуницираат се нивни роднини.
Очекувано, ги интересираат само ергени кои се подготвени да ги прифатат нивните женски правила и да се прилагодат на новиот начин на живот, а многу мажи се одзиваат на поканата да го посетат единствениот град во светот каде што има место само за жени.
