Во текот на 2020 година, 55,3 милиони тони компир беа произведени во Европската Унија. Најголем принос имале земјоделците во Германија. Тие произвеле 21,2% од вкупното производство, потоа следуваат Полска (16,4%), Франција (15,7%), Холандија (12,7%) и Белгија (7,2%).
Овие пет земји учествуваат со речиси 75% од производството на компир во Унијата.
Минатата година, ЕУ продала дел од произведениот компир надвор од границите на ЕУ, а остатокот бил искористен за производство на четири главни производи: замрзнат компир, варен или преработен, сушен или во форма на компиров скроб.
Вкупната вредност на производството на преработен компир во ЕУ достигна 9,1 милијарди евра во 2019 година. Ова е 1,6% од вредноста на производството на целата прехранбена индустрија на Унијата. Замрзнатите компири и чипсот имаат најзначајно учество во нив.
Извор: ec.europa.eu/eurostat
