Во првиот јавен повик на ФИТР за кофинансирани грантови во 2021 година, обезбедени се 6 милиони евра наменети за поддршка на микро, мали и средни компании за технолошки развој за забрзан економски раст и тоа:
– За микро претпријатија до 70% од вкупниот буџет, но не повеќе од 2,5 милиони денари
-За мали претпријатија до 70% од вкупниот буџет, но не повеќе од 5 милиони денари
– За средните претпријатија до 60% од вкупниот буџет, но не повеќе од 10 милиони денари.
Јавниот повик ќе се спроведе исклучиво со електронско аплицирање до 6 април, 2021 година. Како подобни трошоци ќе се сметаат: бруто платите за вработените лица, трошоци за техничка поддршка, истражување, развој, дигитализација, набавка и изнајмување на опрема, софтвер, ИКТ алатки или суровини, но и за трошоци поврзани со спроведување на планот за технолошки развој на компанијата.
