Латинското име за ова растение во превод значи „секогаш живо“ што значи дека е неуништливо без оглед на условите во кои расте. Таму каде расте и вирее ова растение, неговата „секогаш жива“ и неуништлива енергија се пренесува во домот и домаќинството.
Грците и Римјаните со саделе заедно со други растенија за да ги заштитат од гасеници, разни инсекти и штетници, а Карло Велики (а подоцна и неговиот син Људевит Побожниот) им наредил на своите поданици да меѓу 72 растенија кои биле задолжителни за садење, секогаш да има и „чувар на куќата“. Ова повеќегодишно растение високо е 10–60 см, има дебели сочни лисја наредени во розета. Исто како кактус се вади ретко, а ако е засаден во двор не треба да го наводнувате. Цвета од јули до октомври и во овој период може да се соберат лисјата за чаеви и други лековити препарати.
Свежо исцеден медицински сок
Овој сок е добар за изгореници, каснувања од инсекти, „волчји“ очи и брадавици, сончеви пеги и дамки, херпес и исеченици на кожа. Сокот помага и при воспаление на непцата, воспаление на увото и грлото.
Чај од „чувар на куќата“
Чајот го подобрува излачувањето на урината, помага при болни менструации и дизентерија. Две лажички сецкани лисја посипете ги со една чаша врела вода. Оставете ги да стојат два часа. Процедете го и пијте по 1/4 чаша, 4 пати на ден пред јадење.
Мед и „чувар на куќата“ како природен лек
– 500 грама домашен мед 300 грама листови од цвеќето. Измелете ги лисјата и полејте ги со медот. Оставете да стојат неколку дена. Секој дн по една лажичка земајте на празен стомак и потоа два часа не јадете ништо Во зима, заради намалена физичка активност доаѓа до зголемено задржување на штетни материи во организмот. Мешавината со мед го забрзува метаболизмот и го чисти организмот од токсините. Исто така се користи кај проблеми со срцето, а докажано влијае и на проблеми со миоми на матката и цисти на јајниците.
Маст
– Грст ситно сецкани лисја и 200 грама маст.
Мастата се мие во девет води. Во еден сад измешајте ги состојките. На тивко нека се раствори маста без да врие. Потоа тргнете го садот од шпорет и оставете да стои 12 часа. Потоа повторно загрејте ја и процедете ја во тегла. Чувајте ја во фрижидер.
Оваа маст е лековита за рани како резултат на удар и нагмечување, гнојни рани кои не заздравуваат долго време, отоци и сончеви пеги и дамки на кожата, каснувања од инсекти и фистули.
