Цените на какаото се очекува дека ќе растат и понатаму, под влиајние на зголемената побарувачка и намаувањето на производството. Имено, голем број на земјоделци на западот на Африка престанаа да одгледуваат какао и почнаа да одгледуваат каучук или пламино масло, пишува швајцарскиот весник 24 часа.
Со тоа, производството на какао се намалило и во Венецуела, која некогаш произведуваше половина од вкупното светско производство на оваа култура. Денес Брегот на Слонова коска и Гана даваат повеќе од половина од светското произвдоство на оваа култура, неопходна за производство на чоколадо.
Минатата година Венецуела произведе 14.000 тони какао, најмалку во последните 50 години, бидејќи земјоделството пропаѓа во земјата во која доминира нафтата. Оваа земја, има резерви на нафта и е меѓу најголемите увозници на храна во светот, увезуваат дури 70% од храната потребна за нивното население.
Производителите на чоколадо и понатаму многу го ценат какаото од Венецуела како едно од најдобрите во светот, особено сортата криолио, наведува весникот и оценува дека владата на Венецуела пропушта златна шанса да го уновчи се поголемиот апетит на остатокот на светот по чоколадо.
Како што предвидуваат аналитичарите, ситуацијата нема да се промени ни во следните години. Побарувачката ќе расте и понатаму, а производителите нема да можат да ги задоволат потребите, што уште повеќе ќе го зголеми растот на цената на оваа суровина.
Дванаесет здруженија ширум светот, кои поддржуваат производство на какао и чоколадо, се ангажираа и прават напори 300.000 одгледувачи на оваа култура во Гана и Брегот на Слоновата коска да го удвојат производството за оваа година.
Сеуште не се знае дали оваа иницијатива ќе вроди со плод, но она што е сигурно е дека цените и натаму ќе растат, со ризик чоколадото во иднина да стане луксуз, заклучуваат белгиските медиуми.
Извор: Агропортал
