Бочварски: „Славик Фарм“ е позитивен пример на успешна земјоделска фарма која користи европски фондови

Денес заедно со раководителот на ПЕ на земјоделство Штип, на покана на сопственикот на фармата „Славик Фарм“ извршме увид во работата.
„Славик Фарм“ е позитивен пример за тоа како една успешна земјоделска фарма може да аплицира и да добие поддршка од Владата и Министерство за земјоделство, шумарство и водостопанство за понатамошен развој на сопствениот бизнис.

Сопственикот е добитник на грант од ИПАРД 2 програмата за приклучна механизација во висина од околу 110.000 евра.
Можам да ги поздравам напорите кои ги прави МЗШВ во дел на користењето на средствата од европските фондови, каде што државата бележи најголемо искористување во регионот.

Како градоначалник на Општина Штип сум задоволен затоа што просечната плата во овој сектор за две години е покачена за 3000 денари, а значително се подобруваат и условите на земјоделците особено за младите кои може да аплицираат и да добијат грант во висина од 20.000 евра.

Фејсбук статус на Благој Бочварски, градоначалник на Општина Штип